صور لمبنى كلية ساجـــر

اترككم تتمتعوون بمناظر اجمل كليه بالعالم

احم احم بسم الله بدينا


هاذي الله يسلمكم بوابة الكليه ..طبعا حاطين لونها وردي عشانها كليه بنات<<بالله <<برآآ
ولايفووتكم القفل اللي على الباب تقول بيسروقون البنات ولا كنا غنم يقفلون علينا


هاذي الصوره الثانيه طبعا هذا المنظر كل يوم اشووفه
اول ماادخل من الباب يسد النفس مسوين يقالي حركه بالقصدير مدري وش اسمه
يسمعوون بالتزيين والفن بس مايدروون وشو
طيب والستاره وش موقعها بالاعراب

ماراح اعلق كثير الخير جااي
هاذي الثالثه


هذا باب المدخل
بصراحه انا امووت واعرف وش سالفه القزاز الي مكسر وملزقينه على الباب
يعني هو قصدهم يكشخوونه ولا يقالك حركه ولا وش بالضبط كل يوم اسأل نفسي هالسؤال
وللأسف للحين مالقيت اجابه الي يعرف يلحق علي قبل يطق فيني عرق

هذا الله يسلمكم الحووش اللي اول ماندخل للكليه نقابله
طبعا منظر خلآآآب اتعب وانا اوصف مدى رووعته وجماله
والسجره اهم شي السجره لاتفووتكم خوقااقيه <<متعووب عليها ترا
هاذي السجره من عام 1900ومافيه احد <<طرااخ




هذا نفس الحوش بس مع الجهه الثانيه
طبعا الاسود اللي تشوفونه هذا الدينموو انتحر من القرف الي شافه
الله يرحمه برحمته ويسكنه فساج جنانه كان حبيب وصديق للعبايات






هذا السيب اللي ندخل معاه من جهه ثانيه اذا سكروا باب المدخل ابو قزاز
طبعا سيب يشرح صدرك بالمنظر الخوقاقي والورود المزروعه عليه





هاذي بصراحه الصوره لها قصه
بقولكم اياها بأختصار
(كان يامكان كان فيه بنت مسكينه دايم اذا حطت عبايتها في مكان نهايه الدوام اذا جت ماتلقاها
تكررت هالحاله مره مرتين وحتى صارت عده من المراير وفي يوم من الايام قررت هذه الفتاة
ان تشتكي للاداره ورفعت قضيه سرقه لعبايتها لم يعطها احد وجه بل اغلقوالباب على خشتها
وبعد ايام يأست هذه الفتاة بعد ان تعبت رجولها من كثر ماتطل في خشش البنات وتقول انتي سارقه عباتي
يمكن غلطانه تأكدي واهم يسبونها ويقولولها ان عبايتك اهي اللي تطير محد يسرقها ولم تصدقهم حتى اتى يوم
ووصلت لحد الجنوون وبدأت تصدق كلامهم وبالفعل اقتنعنت بأنها تطير فقررت منذ ذاك اليوم ان تضع عباتها في قفص)
وهذه كانت مأساه فتاة مع عبايتها<<والله ماينفعمع العبايات الا كذا








هذا نهاية السيب المشؤووم

احم احم هااذي صوره لمبنى العلمي بعد نهايه السيب المشؤووم الي قبل <<نوو كومنت

هذا الحووش الكبير وربي حوش الغنم انظف منه
على فكره هالصور من العام اللحين اووسخ من هذا وللحين ماشالووهن
قولوولي بالله من يتحمل ينظار مغاسل وووشسمه الثاتيات حقات الحمام<<حامت كبدي
تخيل تشوف حمام بكل وقت من يتحمل

هاذي صوره للمبنى الادبي بس مو واضحه مره
اهم شي شووفوو سطول البويه والقررف كيف يعني اللي تلبس كعب
تنسىى انها ترجع للبيت والكعبه لازقه في الجزمه <<وانتم بكرامه
والله ماينفع في هالكليه الا جزمه ام مسامير<<حقت الكوره

هذا الحووش اللي عند المكتبه

هذا نفس الحوش بس من جهه ثانيه<<لايفوتكم متعووب على صف البلاط

قراااشيع <<<ماعندي شي اقوله

هاذي كراتين ووسخ المقصف يااجعلهم للقصف

هذا صورة باب مدري ليه اشتهيت اصوره <<<

هذا المنظر في شارع الحب اووه قصدي ورا البمنى العلمي<<شاارع الفضايح والوسخ وقلة الحيا

هذا السيب يسمى السراط المستقيم هههههههههههه
تسألوني ليه اقولكم عشان مايدخل الا شخص واحد
انا ابي اعرف وش سالفتهم معه ليه ناسينه يعني ورا ماحطوا قاعه بس
....

طيب اتروكوونا من الحووش خن ندخل جوا نشووف المناظر
<<عطيتكم نبذه قبل ندخل ونتعمق بس عشان ماتنصدمون

هاذي صوره قاعه

وهاذي بعد صووره ثاانيه لقاعه اخرى

نجي للجد عاد هذا قرين هاوس اللي هو المقصف حرام اسمه قرين هاوس
المفرووض يسموونه هيل هاوس




هاذي الصاله الي جوا قدام المقصف والاصفر هذا اللي تشوفوونه اعلان لمركز الخنساء
سارع بالتسجيل وتحصل على لاب توب مجانا<<نصاابين والاعلان له 3 سنوات معلق
طيب خلص وقته شيلوه شاالكم جني


الصناديق البنيه هاذي صناديق ددسن موديل 87 جايبينها من التشليح وصبغوها وحطوها هنا
عشان يشعرون البنات بأنهم طالعين كشته ولا تضيق صدورهم من الكليه <<ايه طيب



هذا بساط الريح<<اللي في سندباد عرفتوه خخخخ ..عشان اللي بتنحااش



براده <<ماشتتغل طبعا ولو اشتغلت <<اللي بينتحر يشرب منها

لاجديد سوى قراشيع مجمعه


<<الباب السحري حبتييين يمدييكم علينا عندنا بيبان سريه وسحريه وكل ابو شي تلقونه في هالكليه






حديقه...اممم مرزعه...الظاهر انها غلطه مصبعيه

تبون تعرفون هاذي وشي هاذي دورات المياة وانتم بكرامه



طيب جايه من طريق وانحاس كل ابو شي ابي اشوف خشتي وشلون <<مافيه مرايات ولا شي





اهيء اهيء





<<تراه نوع جديد من التعتيق اللي يبي يعتق بيته يااخذ مثل هذا



مدري وش اللي خلاني اصور الزاويه بس قهرني منظرها

اول معمل ببدا فيه المعمل الجولوجي(الاحياء)

لاتحسوبنه مستودع(مخزن)بيتنا لا والله انه المعمل

هاذي الصوره عن قرب<<تكفين يااقرب خخخخخخ

نجي لمعمل الفيزياء

اهم شي الصبوووره وآآآآآآآو ترا كانت طباشير والعام حطو قلم وشووفوو من العجز ماشالوا صبوره الطباشير

الجداار حكاية ثاانيه

منظر خوقاااقي

هاذي البنشاات

وهاذي صوره على اليسار

وهاذي على اليمين<<بالله خخخخخ

لايفووتكم كراتين البيض يحطون فيها اوراق الاختبارات خخخخ

آآآآآآآآآآآآآآآآآآخ نجي لمعمل الكيمياء

هذا المنظر العاام له <<العام ولا السنه هاذي <<برآآآآآآ

هذا المكان حق المحاليل المركزه شووفو كرتون ريتا ههههههههه

هاذي صوره للمحاليل ومكتوبه بخط اليد واللي تبون<<وقفت على ذي مشي مشي

وهذا صوره للمحاليل عن قرب <<ملزمه على كلمه قرب خخخ

طبعا مغبره وحالة امها حاله

هذا دولاب الادوات ولايخفى عليكم الكرسي الصغير كيف شكله

ثلاجه اممم وش موقعها بقولكم..هاذي الله يسلمكم دكتورتنا المصريه دايم تطلع عصير وفطيره منها
وتقعد تبلع وفرم فيها عندنا وكل ماشافت بنت تعلك لعنت ابو سكافها
دي مضره انتي صاحيه بتاكلي علكه في المعمل مظر <<بالله طيب علمي نفسك

هذا الجدار الجميل جداار المعمل هذا منظره وللأسف
وجيكات المويه هاذي لان احيانا مافيه مويه في المعمل
نظطر نجيب من برا ونقعد نبربس<<يااعيشتن قشرا

علما بان منقووله من ايميلي
والتعلق مو تعليقي
بس الى متى تبقى الكليه كذ1 بجد مقرفه
الله يعين الطالبات عليها
وانتظر ردودكم

اووووووف
والله ماتوقعتها كذآ . . !
الله يعينهم عليهآآ
بصراحه
لاتعليق


يسلمو غرور ع الطرح

الله يعينهم ياااااااااارب
الله يسلمك مشكور ع المرور

كلية في كوكب ااخر..

يعني بصريح العبارة ماشاهدناه في الصور ليست كلية يدرس فيها عدد كثير من الطالبات ولااا تعتبر نموذج لمرحلة البكالوريوس كما في الكليات الاخرى او الجامعات اين المسؤولات عن الكلية كيف يحاضرن ويتكلمن عن النظافه والكلية تفتقد لهذا الشي .. واين المسؤولات عن سلامة الطالبات من الاشياء المكشوفه وغيرها من الادوات المهملة والمعامل الكيميائية المكشووفة ... اين المسؤؤلات عن ترتيب الكلية وتنظيمها لكي تظهر كبيئة تعليمية مناسبة ... اين ؟؟ واين ؟؟ واين ؟؟

اقول للطالبات كان الله في عونكم جميعا على هذا المكان ولايوجد سوى حل واحد الا وهو انكم تتخيلون ان الكلية مدخلها جذاب واروقتها نظيفة ورائعه هههههههههه حتى بالخيال مااتجي ..

فعلا الكلية بحاجة ماسة الى اعادة تنظيم اداري وان شاءالله سوف تصل للمسؤؤلين وتنتهي معاناتكم ..

اكثر ماادهشني وضحكت منه كثيرااا صرااحه الزخرفه عند المدخل يعني حتى شووية ذووق ماافيه والله مشكلة...

غرور يسلموا على طرحك للمعاناة بكلية ساجر وياليت الجميع يتفاعل مع هذه المشكلة ..

الله يعين شكلها كليه مهجوره